بترجاكي نفين تعلميهم وتعلمينا كمان

تعلميهم أن هي البلد ما راح تتحرر وانتو بس عم تنتقدوا أي أيشي يعملوا الشباب وتدعوا إنكم تدعموا وبتطور الشباب وتعملولهم مؤتمرات وندوات وورش عمل بألوف الدولارات.
علميهم يا نفين معنا الحرية لان من الواضح إنهم ما بفهامو معناها إلا بس يكتبوها بتقاريرهم، ويحكوا عنها في الأعلام.
علميهم يا نفين شو يعني العيب لان واضح أن العيب عندهم بكون بس ايش البنت بتلبس وكيف بتحكي، علميهم يا نفين ايش هو الحرام وخبريهم يا نفين أن الحرام إلا بعملو في هذا الشعب.
علميهم يا نفين ايش يعني مقاطعة أن أنتي بترفضي تشربي ميه إسرائيلية بعد 5 ساعات تحت الشمس، وهم يطعموا أولادهم بوظة شتراوس وعصير تبوزينا وتنوفا لأنهم ازكة لان بالنسبة الهم المقاطعة هبل.
علميهم وما تستحي تحكيلهم يا نفين أن نحن نتعلم ونؤخذ تجربة العالم العربي وغيره من العالم لان نحن جزء منهم وان كمان نفتخر بتاريخنا.
علميهم يا نفين أن التغيير والحرية ودعم الشباب وتطوريهم ما بستنا لا دعم أوروبي ولا أمريكي حتى يصير بس هو بحاجة إلى إرادة.
خبريهم وفهميهم يا نفين ان مش ببيع البلد والركض وراء الإسرائيليين والتطبيع والتعايش راح نحرر البلد.
يا نفين علمي قيادتنا ومؤسستنا الوطنية والأهلية شو يعني حرية وأمل وعادلة ومساواة وكرامة لان واضح يا نفين أن نسوا شو بتعني هاي الكلمات واضح ان رسالتك وصلت للاحتلال بس لازم كمان تصل لنيام في هاي البلد.